நெடுந்தீவு பிரதேச வைத்தியசாலைக்கான கண்காணிப்பு விஜயத்தினை நாட்டின் சுகாதார அமைச்சர் வைத்தியர் கெளரவ நளிந்த ஜதிஸ்ஸ அவர்கள் நெடுந்தீவு பிரதேசசெயலர் உயர்திரு N பிரபாகரன் அவர்களின் பிரதேசம் தொடர்பான தெளிவுபடுத்தல்களுடன் குறித்த அவதானிப்பை மேற்கொண்டார். வைத்தியசாலையின் தேவைப்பாடுகள் தொடர்பில் பிரதேச வைத்திய பொறுப்பதிகாரியுடன் கலந்துரையாடிய கெளரவ அமைச்சர் அவர்கள், தீவில் முன்னெடுக்கப்படும் அபிவிருத்தி திட்டங்கள் தொடர்பிலும் முன்னெடுக்கப்பட வேண்டிய அவசிய தேவைகள் தொடர்பிலும் பிரதேசசெயலரிடம் இதன்போது கேட்டறிந்துகொண்டார்.

<

நெடுந்தீவு பிரதேசசெயலகத்தின் ஏற்பாட்டில் கியூமெடிக்கா நிறுவனத்தின் அனுசரணையுடன் முதலுதவி தொடர்பான இருநாள் பயிற்சிநெறி 23 மற்றும் 24 ஆம் திகதிகளில் பிரதேசசெயலகத்தில் இடம்பெற்றது. குறித்த பயிற்சி நெறியில் பிரதேச இளையோர் கலந்துகொண்டு பயன்பெற்றனர். பயிற்சியின் நிறைவில் இவர்களுக்கான சான்றிதழ்களும் வழங்கிவைக்கப்பட்டு ஊக்குவிக்கப்பட்டனர்.

< <

நெடுந்தீவு பிரதேசசெயலக மகளிர் பிரிவின் ஏற்பாட்டில் கியூமெடிக்கா நிறுவனத்தின் அனுசரணையுடன் சுகாதாரம் மற்றும் இளவயது திருமணம் தொடர்பான விழிப்புணர்வு கருத்தமர்வு பிரதேசசெயலகத்தில் நேற்றைய தினம் இடம்பெற்றது. பிரதேசசெயலர் உயர்த்திரு N பிரபாகரன் அவர்களின் தலைமையில் இடம்பெற்ற நிகழ்வில் நெடுந்தீவு பிரதேச வைத்தியசாலையின் வைத்திய அதிகாரி அவர்கள் வளவாளராக கலந்துகொண்டார். குறித்த கருத்தமர்வில் நெடுந்தீவு கல்விக்கோட்ட பாடசாலைகளின் மாணவர்கள் கலந்துகொண்டு பயன்பெற்றனர்.

< <